Nanindigan si Senate Majority Leader Joel Villanueva na panahon na para i-phaseout ang Philippine Offshore Gaming Operators (POGO) sa bansa.
Ito ay matapos ang naging panibagong raid sa isang POGO hub sa Pasay City na hininalang sex den.
Kung saan, nailigtas mula rito ang mahigit pitong daang trabahador kasama na ang pitong Pilipinong babae na kasama sa isang “aquarium-style” na viewing chamber.
Kaugnay nito, sa darating na pagdinig sa Senado sa susunod na Linggo ay inaasahan ni Villanueva na mapag-uusapan din ang national policy sa nasabing industriya.
