KALIBO, AKLAN — Sa sobrang likaw sa tricycle nga biglang lumiko, sangka motorsiklo ro natumba.
Natabo ro aksidente sa may Toting Reyes St., Kalibo, Aklan.
Ro tricycle hay ginamanehu ni Myles Rocio 33yo ag taga Venturanza, Banga, Aklan, samtang ro motorsiklo hay ginamanehu man ni Deolord Zonio it Old Buswang, Kalibo.
Sa report, gulpi segun nga nag U-turn ro nasambit nga tricycle ag sa paglikaw it rider it motorsiklo hay natumba raya ag nag angkon it minor injury.
Parehu man nga gindaea sa Kalibo PNP ro magtimbang nga parte para sa nagakaigu nga disposisyon. / ANN DESLENE SALAZAR
