Gintaban sang wala matumod nga kawatan ang isa ka motorsiklo sa Barangay Bilao, Sapian, Capiz.
Sandig sa ginpabalhag sang tag-iya nga si Erwin Vista, ginpark sini ang iya Suzuki Smash 115 nagaduag itom nga motorsiklo sa kilid sang ila balay, apang sa iya pagbalik natukiban sini nga wala na ang motorsiklo sa iya gin-parkingan.
Nahibaluan nga sang Oktubre 2022 lang sini ginkuha ang motorsiklo kag padayon pa ang iya paghulog sang bulanan nga balayran.
Nagpanawagan man sa publiko si Vista nga ipalab-ot sa mga otoridad ang kun sin-o man ang makakita kag mabaligyaan sa kaangay nga motorsiklo. | Judy Ann Juare
