BNFM BICOL – WALA NANG BUHAY nang matagpuan ang isang lalaki matapos itong maaksidente sa motor dakong alas- 6:10 ng umaga, kanina sa Barangay Pajo Baguio, Virac, Catanduanes.
Kinilala ang biktimang si Michael Lucero Lopez aka “Tagas”, 43-anyos, may asawa, at naninirahan sa Barangay Concepcion, Virac, Catanduanes.
Katabi ng biktima ang kaniyang motorsiklo na ayon sa imbestigasyon ng pulisya, posibleng nawalan ito ng kontrol habang binabaybay ang isang ‘blind curve’, na naging sanhi ng kanyang pagbangga sa isang konkretong poste. Ang malakas na tama sa ulo ang itinuturing na pangunahing dahilan ng kanyang pagkamatay.
Samantala, nagpapatuloy ang follow-up investigation ng mga awtoridad sa naturang insidente. ### Rumer Gran, Intern
