Nag angkon it head injury ro sangka motorista matapos mabangga it tricycle sa may national road sa Brgy. Calizo, Balete, Aklan kahapon it agahun.
Ginkilaea ro motoristang si Kent Harold Lachica 23yo ag residente it Sitio Pueahan Brgy. Arcangel, Balete, Aklan, samtang ro driver it tricycle hay ginkilaea nga si Edwin Cuales 46yo, habal-habal driver it Sitio Cabcaban Brgy. Fulgencio Balete, Aklan.
Sa imbestigasyun, halin sa Poblacion Balete ro motorista hay paagto it Banga, pero pag abot sa Calizo hay nabangga raya it tricycle.
Insigida man nga dinaea sa ospital ro motorista samtang ro driver it tricycle hay ginkustodiya sa Balete MPS para sa nagakaigu nga disposisyon. / ANN DESLENE SALAZAR
