Padayon pang gipangita sa otoridad ang karnaper og motorsiklo human nga nakasibat atol sa pagdakop gumikan sa pagsupak sa balaod trapiko.
Gibutyag ni Panabo City Traffic Mamangement Unit Head Alvin Ybañez ang wala mailhing driver ang nakasupak upat ka higayon, una wala pagsuot og helmet, ikaduha, walay lisensya, ika-tulo, wala marehistro ang motor, ug ika-upat, lango kin isa ilimnong makahubog nga nagmaneho sa motor. Apan nakadagan kini atol sa pagdakop sa mga sakop sa TMU niadtong Mayo 7, 2024 alas 5:00 sa hapon.
Nasayran, nga ang motorsiklo nga gigamit sa wala mailhing drayber dili iyaha, gikumpirma kini mismo sa tinood nga tag-ita sa motor nga si Adonis Estoque Ygay, taga-Barangay Cagangohan, Panabo City.
Sumala pa nga nawala ang motor ni Ygay sa susamang adlaw daplin sa Herlyns Store sa moang syudad, base sa blotter report nga napadangat ngadto sa buhatan sa kapulisan.
Sa kasamtangan, nag-asikaso na ang tag-iya sa motor sa mga rekisitos aron makuha na niya ang maong motorsiklo.