LEGAZPI CITY – Inarestar kan mga otoridad an sarong most wanted person sa Purok 6, Brgy. 16, Alternate Road, Washinton Drive, Legazpi City nin huli sa kasong may kinaraman sa pangungulog nin kababaihan asin kaakian.
An akusado, sarong 53 anyos na lalaki, warang agom asin residente man sana kan nasambit na lugar.
Naarestar an akusado sa kusog kan mandahamiento de aresto para sa apat na punto nin kasong pagbalgar sa Section 5-A asin duwang punto nin kasong pagbalgar sa Section 5-I kan Republic Act No. 9262 o Violence Against Women and Children.
Sa ngunyan, nasa kustodiya na kan Legazpi City PNP an akusado para sa magkakanigong disposisyon. | Brigada Intern ROSE ANN MARIE EXCIJA
