GIPAKUSGAN sa kapulisan sa GenSan ang operasyon batok sa private armed group (PAGs) ug loose firearms pipila ka bulan bag-o ang election season. Matud ni PCol. Gilberto Tuzon, director sa GenSan City Police Office (GSCPO) nabungkag na nila ang gituohang PAGs sa dakbayan.
Human mitahan kanila nakalabay’ng bulan ang mga miyembro sa grupo nga naa sa Barangay Labangal ning dakbayan. Apan luyo niini, padayon ang gihimong pag-monitor sa mga sakop kalabut sa posibleng pagtukod og bag-ong grupo sa pipila.
Samtang, padayon ang operasyon nila batok sa mga indibidwal nga naghupot og armas nga walang igong dokumento. Ang maong lakang ang aron masiguro nga mahimong matinud-anon ug hapsay ang election 2022 sa dakbayan.
Una nang, gibutyag sa National Task Force on the Disbandment of PAGs (NTF-DPAGs) nga gipangulohan ni Department of the Interior and Local Government Secretary Eduardo Ano nga dunay 130 ka PAG’s sa Mindanao nga gimonitor sa otoridad. ( Richel Gubalani)
