Patay ang isa ka mister matapos gin-atake sa kurason samtang nagabisiklita sa Barangay Anhawon, Panay, Capiz.
Ginkilala ang napatay kay Alexander Bolilan, 52-anyos residente man sang nasambit nga lugar.
Sandig sa imbestigasyon sang Panay Municipal Police Station, magapadulong kuntani sa banwa ang biktima sakay sa iya bisiklita apang hinali nalang ini nga natumba kag nagkulob sa dalan. Ginbuligan pa ini sang mga motorista kag ginpadangat sa ospital apang gindeklarar sang doktor nga dead on arrival.
Sa karon, yara na ang bangkay sini sa isa ka punerarya sa nasambit nga banwa. | Judy Ann Juare