Naghatag sang pahayag si anay kapitan kag sa karon barangay kagawad sang Tiza nga si Minong Albaladejo matapos ginbasura sang korte ang isa ka kaso nga ginpasaka niya batok kay Gigi Obera.
Nahibaluan nga ginpasakaan ni Albaladejo sang kaso nga falsification of public document kag usurpation of power si Obera matapos ini nga nag-isyu sang certificate of indigency sa isa ka tanod sa ila barangay.
Sa interview sang Brigada News FM kay Albaladejo, iya ginpahayag nga ginarespeto niya ang desisyon sang City prosecutor sa pag-dismiss sa kaso nga falsification of public document.
Apang ang kaso nga usurpation of power ang nakitaan sang propable cause kag ginahulat nalang ang desisyon sang korte.
Suno kay Albaladejo, wala man siya nakahibalo kun sa diin nakuha ni Obera ang papel nga nagapamatuod nga na-dismiss nagid ang iya duha ka kaso nga ginapangatubang. | Judy Ann Juare
