Ginlunsar sang Roxas City Health Office kaupod ang Negrense Volunteers for Change Foundation Inc ang Mingo Meals Supplemental Feeding Program para sa 100 ka Moderate Malnourished Children sa 47 ka kabarangayan sa siyudad sang Roxas.
Nagpaabot naman sang pasalamat sa NVC Foundation Inc. si Mayor Ronnie Dadivas sa pagpili sang Roxas City bilang benepisyaryo sang ila programa.
Mahibaluan nga, pagapatigayunon ang nasambit nga programa sa sulod sang anum ka bulan kun sa diin tinutuyo nga mabuligan kag mahagan-hagan ang problema sa malnutrisyon nga gina atubang sang pungsod. //KMD Gicalde
