Umapela ang Maynilad sa kanilang mga konsyumer na huwag mag-imbak ng labis-labis na tubig.
Ito ay sa gitna ng nakaambang serye ng water interruptions sa malaking bahagi ng Metro Manila.
Sa isang pulong balitaan, sinabi ni Maynilad Water Supply Operations Head Ronald Padua na ang may epekto rin ang sobra-sobrang pagtatabi ng tubig.
Sa kabuoan, tinatayang aabot sa mahigit 3.5 million consumers ng Maynilad ang maaapektuhan ng water service interruptions na magmumula sa July 12, alas-siyete ng gabi hanggang alas-kuwatro ng madaling araw.
Kasunod ito ng mas mababang 48 cubic meter per second na alokasyong ibinibigay ng Angat Dam sa mga konsyumer sa Metro Manila at karatig-probinsiya.
Hindi rin daw nila tukoy kung hanggang kailan ito magtatagal.
