P5.3 milyon ro ginatanyag it Armed Forces of the Philippines (AFP) bilang pabuya sa mga indibidwal nga makadakop kay Ma. Concepcion “Concha” Araneta-Bocala, o mas kilaea nga “Etang” o “Martha.”
Imaw ro nagserbe bilang consultant ag secretary general it Komiteng Rehiyon – Panay (KR-P) it NPA sa Region 6.
Matandaan nga si Bocala hay gindakop sa kasong rebelyon ag iban pa nga mga kasong kriminal.
Temporaryo raya nga ginhilway ku 2016 agud mag-intra sa usaping pangkahilwayan sa tunga it mga rebelde ag gobyerno sa Norway.
Pero matapos ginpundo ni Pangulong Rodrigo Duterte ro negosasyon ku 2017, nagpangayo raya it bulig sa mga kaibahan agud makapanago.
Sa presente uwa it impormasyon ro militar kung siin nakabase si Concha./JIL B. LACSON
