GITANGGAL sa mga divers sa Department of Environment and Natural Resources (DENR) 12 ang nagpabilikos nga pukot sa coral reef sa kadagatang bahin sa Glan, Sarangani Province.
Ang maong pukot ang gituohang nawala, gilabay o gi-abandona na sa tag-iya hinungdan nga nabalikos sa mga coral reef sa lugar.
Gisiguro sa DENR-12 nga matanggal kini sa mga coral reef aron masiguro nga walay ma-trap nga mga marine life ug makamugna og problema sa kinaiyahan.
Girespondehan sa mga environmental personnel ang taho ug gilayon nga nagpahigayon og assessment ug strategic planning aron gilayong matanggal ang maong marine debris. Ang stress ang usa sa source sa polusyon nga bahad sa marine fauna. I Richel Gubalani
