NAGPAHIMANGNO karon ang Mines and Geosciences Bureau o MGB-region-12 ngadto sa mga Local Government Officials ug sa Philippine National Police nga ipatuman ang kasamtangang Cease-and-Desist Order ug muhimo og igong pamaagi aron matabangan nga mapaundang ang illegal mining ug mineral processing sa ilang mga areas of responsibility.
Ang maong panawagan gipagawas sa MGB-12 human makakumpiska ang ilang buhatan og illegally sourced nga mineral ug mineral products ug byproducts lakip mga tools, conveyance ug equipment sa Lebak, Sultan Kudarat niadtong Pebrero 7 ug 8, 2023.
Ang mga personnel gikan sa CENRO Kalamansig nakakumpiska og 10 kilo sa mga bag sa gold ores ug ore concentrates ingon man mga mineral processing equipment ug tools susama sa ball mills, metallic rods, rubber belts, belt liners, wheel, modified sieve, plastic basins, metallic shafting, nuts, washers, bolts ug used batteries.
Kining maong mga butang ang matud pa ginagamit sa pagproseso ug pag-rekober sa bulawan.
Ang nakumpiska nga mga items ang gi-turn over na ngadto sa DENR-MGB-12 aron gamiton sa pagpasaka og kaso batok sa operator.
Alayun niini, giawhag sa MGB-12 ang tanang LGU, PNP sa mga
municipal ug provincial sa pagpatuman sa existing Cease and Desist Order ug sa paghimo og igong pamaagi aron maundang na ang iligal nga pagmina ug mineral processing sa ilang mga lugar.
