GIDUNGANGAN ang rekisitos nga kinahanglang maangkon sa usa ka water refilling stations sa rehiyon-12.
Dungan sa gipagula nga mandu sa Department of Health (DOH) 12 nga kinahanglang accredited ang establisimento bag-o kini mag-operate.
Aron malikayan ang diarrhea ug ubang sakit nga posibleng mahatag tungod sa kontaminadong tubig ma-inum. Buot sa DOH-12 nga ipa-accredit ang naa sa 190 ka mga water refilling stations sa gensan.
Giangkon ni Dr. Lalaine Calonzo, City Health Officer nga gawas sa license to operate o sanitary permit kinahanglang accredited sa maong ahensiya ang maong klase sa negosyo.
Una nang, gibutyag ni Engr. Neil Brandon Desipulo, sanitation team head sa CHO nga nagpahigayon na sila og inspeksyon kalabut sa maong hisgotanan. I Richel Gubalani
