Malipayon ang kapin 3,313 ka mga indigent nga senior citizens sa Roxas City matapos nga nabaton ang ila nga Social Pension gikan sa programa sang Department of Social Welfare and Development (DSWD).
Ang ila nabaton ang para sa anum ka bulan nila nga bulanan nga pensiyon nga nagalab-ot tanan sa P3,000.
Ginkalipay naman ni Mayor Ronnie Dadivas ang pagbaton sang katigulangan sang amo nga bulig nga dako gid nga tabang sa ila pagkinahanglan. Padayon naman nga ginadangop sang alkalde sa DSWD ang tuyo sini nga makadugang man sa amo nga programa ang iban pa nga kwalipikado nga katigulungan sa siyudad. | Judy Ann Juare