NALUWAS sa mga residente sa Sitio Nama, Barangay Lomuyon, Kiamba, Sarangani ang 64 ka itlog sa pawikan.
Matud ni Abdul Cariga, community environment and natural resources officer (CENRO) sa Kiamba, ang mga itlog sa pawikan ang gibalhin sa area sa PNP Maritime.
Giorganisa ang team nga nagtransfer sa itlog sa pawikan nga gilangkuban sa Municipal Fishery Coordinator Designate Luwee Roy Siacor, Protected Area Ranger Benson Briones, Forest Technician I Maria Tubera ug Patrolman Mark Kenneth Austria ug PNP Maritime. Dugang ni Cariga, ang pagka-rescue sa mga itlog ang nagsilbing eksample kung unsa ang awareness sa komunidad aron magpabiling maayo ang marine ecosystem.
Ang nahitabong pagluwas sa itulog sa pawikan ang nagpakita nga nakasabot ang komunidad sa importansiya sa endangered marine creatures alang sa future generations. I Richel Gubalani
