HILABIHAN nga kalipay ug mga ngisi ang makit-an sa mga dagway sa mga residente nga miapil sa Brigada roleta, pala sa grasya ug bring me nga padula.
Usa ang Bula sa swerte nga naadtuan sa Brigada Media Group aron manghatag og papremyo.
usa sa miapil sa dula ang tigpaminaw nga si ginang Elsa Enojales nga nakapala og kwarta, ug mga kape ug grocery maong halos dili mabugto ang iyang gihimong pagpasalamat.
Samtang si Rey Dulalas wala usab nagpaulahi sa dula nga roleta ug hastang lipaya nga nakadaog sa coupon dungan sa paglaum nga matawag ang iyang pangalan sa kahanginan
Segon niini nga bisan sa iyang pagkamasulub-on tungod sa iyang sitwasyon nga adunay kakulian sa panglawas apan sa makadiyot nalingaw kini sa dihang gibisitahan sa mga personahe sa Brigada ang ilang lugar alang sa maong kalingaan.
Si Mary Grace Ewican ang usa sa mapalaron sa padula nga nakadawat og usa ka libo sa dihang naunhan niini ang tanan sa ginapadala sa anchorman.
Walay pagduha-duha nga gidali niini og dagan paingon sa venue ang plato nga may sud-an.
Sa bahin ni Kagawad Antonio Talle ang nakadayeg ug nagpasalamat nga sa mismong lugar niini gipahigayon ang laing na usab nga hugna sa kalingawan. I Danny Casi
