Gipasalig ni Mayor Jonas Cortes atubangan sa mga residente sa Ganghaan sa Paknaan ang kabalhinan nga permanenteng relocation site.
Matud sa Mayor nga ang Ganghaan sa Paknaan, temporary relocation site lang, ug sila ibalhin unya sa permanente nga area, sa usa sa unom nga gitino sa siyudad nga housing site.
Ang mga residente temporaryong girelocate sa siyudad sa Ganghaan sa Paknaan gikan sa ilang kaniadtong gipuy-an sa Butuanon River, aron mas luwas gikan sa baha kung mag-uwan.
Ang pagrelocate sa mga residente gikan sa Sitio Pagatpatan paingun sa Ganghaan sa Paknaan, gihimo subay na usab sa gihimo sa siyudad nga relief channel aron makadagayday gilayun ang tubig sa sapa paingun sa dagat.
Mao usab kini ang hinungdan nga gipakaan og kaso si Cortes tungod sa giingung gipangputol nga mga bakhaw.
Giingun nga ang relief channel makatabang nga minusan ang possibilidad sa pagbaha sa Sitio Pagatpatan.///
