Gitugyan sa Kagamhanan sa Dakbayan sa Sugbo pinaagi kang Cebu City Acting Mayor Raymond Alvin Garcia inubanan nila ni konsehal Philip Zafra ug Konsehal Jaypee Labella ang walo ka mga bag-ong patrol cars ug 60 ka mga high-powered nga mga armas isip tabang sa Kagamhanan ngadto sa kapulisan.
Gipadayag ni Acting Mayor Garcia atol sa iyang pagpamulong nga paluyohan gyud sa dakbayan ang kapulisan kay sila ang katambayayong niini sa pag-atiman sa maayong kahimtang sa katawhan.
dugang sa Acting Mayor nga, tukma sab kaayo ang pag-abot sa maong mga kahimanan kay magamit kini dayon sa kapulisan sa pagbantay sa seguridad sa nagpadayong Palarong Pambansa 2024.
Subay sa maong kalamboan nagpasalamat ang Philippine National Police pinaagi kang
Police Brigadier General. Anthony Aberin, kinsa maong ang Director sa PRO -7 ug
Cebu City Police Office Director Ireneo Dalogdog ingon man nihangyo sa ilang mga ginsakopan nga ampingan gyud ang maong mga bagong gamit.
Samtang Gimandoan sab ni Aberin ang mga kapulisan nga dili gyud ipa-tint ang mga bintana sa mga sakyanan aron makita ang mga pulis nga mosakay sa mga patrol cars ug dili kini gamiton pang-personal nga gamit.//
