LEGAZPI CITY – Haros gabos na mga residente sa Zone 2, Brgy. Nogpo kan Libon, Albay an igwa nin takot magtaram makalihis an insidente nin pambabadil-gadan sa mag-agom sa lugar.
Segun ini kay Libon Municipal Police Station Chief of Police PCapt. Allan Paul Sodsod, kun sain pwedesir sindang balikan en kaso man na magtaram an mga ini ki may kinaraman sa insidente.
Hararom su boot an gigibohon na imbestigasyon kan mga otoridad manungod sa pambabadil-gadan sa mag-agom.
Segun kay Sodsod, dae pa masabi kun ini may kinaaraman sa maabot na eleksyon nin huli ta napag-araman na si Relly Saraba Mata, saro sa mga biktima, madalagan bilang kapitan kan barangay; o an Concepcion Criminal Gang an may kagibo.
Kun babalikan, nakalunad an mag-agom sa motorsiklo, kun sain pag-abot sa saindang lugar partikularmente sa hampangan kan saindang harong, pinagbabadil an mga ini kan dae pa nabibistong suspek.
