Maisug nga nanindugan ro mga residente it Brgy. Nabaoy, Malay, Aklan kaangot sa expansion project it Petrowind Energy.
Sa ginpatigayun nga Public Consultation it Brgy. Nabaoy Council, naga pamaeabag sanda sa pag-endorso it lokal nga gobyerno sa phase 2 14MW project it Petrowind.
Ro nasambit nga proyekto hay ro pagpatukod it wind turbine sa kabukiran nga sakop it Brgy. Napaan, Malay.
Naga kabaeaka ro mga taga Brgy. Nabaoy nga umabot sa andang suba ro eapok halin sa nasambit nga proyekto.
Nasayuran nga ro Nabaoy river hay ginakabig nga ‘cleanest river’ it Malay, Aklan ag raya ro main source it malimpyo nga tubi nga gina-distribute sa Mainland Malay ag isla it Boracay.
Ku nagtaliwan nga adlaw hay nagpatigayun it welga ro mga taga Nabaoy sa atubang LGU Malay para ipaabot ro andang sentimyento ag pagpamaeabag sa nasambit nga proyekto.
Panawagan it mga residente it Brgy. Nabaoy sa mga Sangguniang Bayan member ag kay Malay Mayor Frolibar Bautista nga indi pag aprubahan ro proyekto. // ANN DESLENE SALAZAR
