LEGAZPI CITY – Kaipuhan na mapakaray asin mapakusog an mga regulasyon asin polisiya kan lehitimong pag-quarry sa probinsya kan Albay.
Ini an tinawan-doon kan gobyerno-probinsiyal kun sain dapat subuot na pundohon an anuman na ilegal na pag-quarry sa probinsya.
An pagpapapundo sa illegal quarry operations, susog sa naisumiter na report makalihis an sinagibong dakulang imbestigasyon kan manlain-laing departamento kan opisina sa pakikipagtabangan sa Albay Police Provincial Office (PPO).
Dakulang peligro subuot an pwedesir kahampangon kan mga Albayano kun magpadagos an siring na aktibidad orog na sa mga bako designadong lugar na posibleng magdara ki mas dakulang huma sa seguridad kan mga Albayano.
Kun marurumduman, Disyembre 22 kan nakaaging taon, pig-orden ni Gov. Edcel “Grex” Lagman an Provincial Administrator, Environment and Natural Resources Officer, Provincial Legal Officer, Provincial Engineer, asin Provincial Treasurer na imbestigaran an napabaretang illegal quarry asin dredging operations sa probinsya.
