Ipinaliwanag ng Metropolitan Manila Development Authority (MMDA) na may kapasidad lang din ang mga pumping stations.
Ito ay sa gitna ng matinding pagbaha na naranasan sa ilang lugar sa Metro Manila na dala ng bagyong Carina.
Ayon kay MMDA Usec. Procopio Lipana, ‘beyond capacity’ talaga ang pumping stations.
May isa nga aniyang pumping station sa Libertad na nasira, at ngayon ay inaayos na.
Sinabi ni Lipana na kapag ang volume ay lumagpas na sa kapasidad, wala na silang magagawa rito.
Sa huli, tiniyak nitong pagtutulungan ng MMDA at DPWH ang 50-year drainage master plan.
Pagtutulungan umano nilang i-manage ang mga basura sa bansa.
