Doble ng kasalukuyang minimum wage sa National Capital Region (NCR) ang iginiit ng IBON Foundation na ‘family living wage’ para makapamuhay ng desente ang isang pamilya na may 5 miyembro.
Sa panayam ng Brigada News FM kay Sonny Africa, ang Executive Director ng Ibon Foundation, sinabi nito na dapat may P25,806 kada buwan na kita ang isang pamilya sa NCR o P1,186 kada araw batay sa kanilang pag-aaral na malayo sa P610 na kasalukuyang minimum wage
Giniit ni Africa, nasa 25% lamang ng mga Pilipino ang nakakasahod ng base sa kanilang Family Living Wage sa NCR dahil sa kadalasan aniya sa pamilyang Pilipino ay puro part time o side hustle ang pinagkakakitaan at hindi buwanan ang sahod.