Padayon pa karon nga gipangtambalan sa Davao De Oro Provincial Hospital – Montevista ang mga naangol human sa bangga alas-5:55 kagahapon sa hapon sa Km. 66, National Highway, Tuboran, Mawab, Davao de Oro.
Nalambigit sa maong bangga mao ang duha ka mga pampasaherong van.
Paspas hinoon nga gipang respondihan sa Mdrrmo Mawab, NERT Mdrrmo Nabunturan, Pdrrmo Davao De Oro ug New Bataan MDRRMO ang mga naangol nga mga pasahero.
Pahimangno na lamang sa mga otoridad sa mga motorista, pamasapherong van o bus nga hinay-hinay lamang sa pagpadagan gumikan kay danlog ang kalsada tungod sa katag-katag nga pag-ulan nga masinatian karong panahona
