Nakoryente ru sangka construction worker samtang naga pintura sa sangka building sa Goding Ramos St., Kalibo, Aklan.
Sa report, nakilaea ru biktima nga si Romy Delos Santos, 48 anyos ag residente it Santo Niño Village Pob. Kalibo.
Nasagi it siko it biktima ru transformer nga kaiping it live wire samtang naga pintura sa building rason nga dumukot ru biktima.
Eagi man nga gin respondehan it AKELCO ru biktima ag gin buoe sa ibabaw nga parte it building gamit ru boom truck .
Rumesponde man ru mga personnel it MDRRMO ag BFP-Kalibo para daehon sa hospital.
Sa makaron, sa mayad eon nga condition ru biktima samtang padyon pa nga confine sa hospital.//MARIVIC Y. ILIN
