Mupasaka ug kaso ang Cebu Provincial Government batok sa mga personnel sa Bureau of Animal Industry tungod sa kadaut sa ekonomiya sa lalawigan human nideklarar ang ahensya og outbreak sa African swine fever (ASF).
Gipahibawo ni Provincial Attorney Donato Villa Jr. nga kasong kalapasan sa Republic Act 3019 kun Anti-Graft and Corrupt Practices Act ang ilang ipasaka ngadto sa Office of the Ombudsman Visayas.
Gipasabot niini nga ilang kasohan ang mga opisyal sa BAI tungod kay sila ang responsable sa pagkaguba sa hog industry sa Sugbo gumikan sa ilang polisiya batok sa ASF.
Nasayran nga katunga sa mga baboy sa tibuok probinsya sa Sugbo ang nga gipanag-iya sa mga backyard raisers ang naapektuhan sa polisiya sa Bureau of Animal Industry.//
