NAGA CITY – Halos maghapon at magdamagan na naman ang nangyaring pag uulan sa buong Naga City kahapon dahilan para mangamba na naman ang mga barangay officials na binabaha ang lugar pag ganitong panahon.
Tulad ni Punong Barangay Allan Beriso ng Barangay Triangulo na mula pa kahapon ay binantayan na ang ilang zona nilang laging binabaha tulad ng zone 3 , 4 at zone 7.
Ayon pa sa opisyal, pag ganitong sitwasyon alam na ng mga apektadong pamilya ang gagawin na lumikas patungo sa JMR Coliseum na malapit din lang sa kanilang lugar.
May bago at malaking drainage canal naman sila, ayun pa kay Beriso subalit madali itong mapuno ng mga basura, kaya baha pa rin sa lugar nila pag ganitong halos magdamagan ang pag-uulan.
