CAMARINES NORTE- Mababa pa rin ang bilang ng mga nakakatanggap ng unang COVID- 19 booster shot sa lalawigan ng Camarines Norte sa kabila ng pagsasagawa ng Bakunahang bayan at Barangayang Suyod Bakuna.
Batay sa datos ng Provincial Covid- 19 vaccination operation center as of December 19, 2022 nasa 11. 9 percent pa lang ang nakatanggap ng unang booster.
Ang may pinakamalaking bahagdan sa ngayon na nakapagbakuna ng booster shot ay ang Daet na mayroong 18. 809 o 24. 1 percent sa 73, 118 na fully vaccinated.
Sinusundan ito ng pinakamaliit na bayan ang San Vicente na nasa 20. 1 percent na.
Ang Talisay ay mayroong 14. 9 percent, Mercedes 14. 1 percent, San Lorenzo Ruiz 12. 5 percent at Basud 10. 2 percent.
Ang nalalabing mga bayan ay mas mababa pa sa 10 percent.
Ito ay ang Capalonga na nasa 9. 1 percent, Vinzons 8. 3 percent, Jose Panganiban 8. 2 percent, Labo 7. 1 percent, Sta Elena 6. 8 percent at Paracale na nasa 5. 9 percent pa lang.
Nasa 1. 71 percent pa lang ang nakakatanggap naman ng ikalawang booster.
