Dapat mamagitan ang mga embahada ng Pilipinas sa mga Muslim-majority countries sa ngalan ng mga nahatulang overseas Filipino o ang mga nahaharap sa parusang kamatayan sa panahon ng Ramadan.
Nanawagan si Kabayan Party-list Rep. Ron Salo sa National Commission on Muslim Filipinos (NCMF) na tulungan ang mga embahada sa paghingi ng pardon o commutation ng sentensiya ng mga convicts.
Ayon sa Department of Foreign Affairs , mayroong 83 overseas Filipino na nasa death ro, 56 ang nasa Malaysia; 6 sa United Arab Emirates; 5 sa Saudi Arabia; isa sa Indonesia, at 15 sa iba pang bansa gaya ng Bangladesh, China, Vietnam, USA, Japan, at Brunei.
Mayroong kabuuang 1,267 overseas Filipino na nakakulong sa abroad kung saan 914 sa mga ito ay nasa Middle Eastern country, 321 sa Asia Pacific; 23 sa Europe; 5 sa America, at 4 sa Africa.
Sa mga nagdaang taon, sinabi ni Salo na binigyan ng clemency ng Saudi Arabia at Yemen ang ilan sa mga nahatulan ng kamatayan o nakakulong sa kanilang bansa.
