Mahigit 700 nang mga munisipalidad at lungsod ang nakatanggap ng mga signature pages para sa isinusulong na people’s initiative upang maamyendahan ang 1987 Constitution.
Ayon kay Commission on Elections (Comelec) Chairman George Garcia, 726 nang mga bayan at siyudad sa buong bansa ang nakatanggap ng naturang forms.
Samantala, ongoing pa rin ang ahensya sa pag-classify kung saang distrito kabilang ang mga lugar na nakatanggap ng signature pages.
Hindi pa umano nila dinedetermina kung lehitimo ang mga pirma, dahil magagawa lamang ito kapag mayroon nang pormal na petisyon.
Matapos ito, mag-iisyu na sila ng resolusyon sa sandaling makitang kumpleto ang kanilang mga kailangan.
