GINALAUMAN sa opisyal sa PTAG nga sa dili madugay mahulipan na og electric jeepney ang mga multicab nga naga dagan sa kadalanan sa Gensan.
Sa pahayag sa labaw sa Public Transport Alliance (PTAG) nga si Robert Cang nga adunay maayong balita gikan sa bangko nga ilang gina-utangan nga aprubado na ang mga aplikasyon sa ilang kaubanan sa transport coops sa Gensan.
Karong tuiga daw mobaha na ang mga ejeep sa kadalanan sa syudad,usa sa na-aprubahan na ug pirmahanay nalang ang kulang mao ang aplikasyon sa Modelong Tricycle Driver sa Gensan Cooperative nga gipangunahan ni Rene Plenios.
25 ka unit sa ejeep kantidad P50 million loan ang lauman nga modagan sa Central Public Market padulong sa Barangay Olympog ug Vice Versa.
Malaumon usab sila nga himuon sa taga LGU ang ilang bahin sa pagpatuman sa Modernization Transportation Program sa nasudnong goberno nga adunay hierarchy sa pamasada. I Ver Diazon
