KORONADAL CITY- MAAARI nang magparegister para sa Philippine ID System o PhilSys ang mga kabataan may edad 5 hanggang 14 anyos.
Ayon kay Philippine Statistics Authority o PSA South Cotabato Provincial Statistics Officer Jilmar Grecia na maaari nang pumunta sa mga registration centers ang mga menor de edad upang magparehistro para sa national ID.
Napag-alaman na limitado lamang noon sa mga 15 anyos pataas ang pagpaparehistro sa PhilSys dahil sa mga restrictions bunsod ng COVID 19 pandemic.
Sa mga magparehistro, magdala lamang ng birth certificate o school ID at iba pang identification cards. Hinihikayat naman ang mga magulang na samahan ang kanilang mga anak sa pagpaparehistro.
