GILATAG na sa taga Comelec- General Santos City ang ilang schedule sa continuing voters registration alang sa October 28,2023 Barangay and Sangguniang Kabataan Elections.
Sumala kay Election Assistant II Bai Saguera Iskak andam na sila sa pagpadayon sa pagdawat sa magpa rehistro gikan sa SK ug sa mga hamtong nga gusto nga makaboto sa umaabot nga piniliay.
Ang pinaka unang schedule sa umaabot nga December 12, 2022 alas otso sa buntag hangtud na sa alas 5 sa hapon sa opisina sa Comelec Gensan nga nahimutang sa Barangay Dadiangas West, ginapahimangno gihapon ang pagsunod sa health protocol.
Ang pinakaunang Bbrangay sa Sattelite Registration sa San Jose Gymnasium December 13-14, 2022 ug ikaduha sa Barangay Ligaya Gymnasium December 15,2 022 alas otso sa buntag hangtud alas 5 sa hapon, mosunod niini ang ubang mga barangays ug ang mga special registrations alang sa mga kabataan, sa Senior Citizens, Womens, Person Deprived of Liberty kon PDL ug sa Persons with Disability kon PWDs.
Gidugang ni Iskak nga subay sa Comelec Resolution number 10868 magpabilin nga adunay Express Lane alang sa mga PWDs, Senior Citizens ug mga mabdos nga magparehistro,ginapahinumdom usab ang pagdala og valid ID.
Sa SK registrants dapat naga edad og 15-anyos hangtud sa 30-anyos ug nagpuyo sa barangay sulod sa unom ka bulan on or before Barangay and Sanguniang Kabataan Elections.
Diskwalipikado usab sa pagparehistro ang kinsa man nga adunay kaso unya nahukman by final judgement nga mabilango dili moubos sa usa ka tuig unya wala usab nakaangkon og pardon.
Sumala kay Linda Matango, 21-anyos gikan sa Barangay Conel mas lamang gayod kon nakarehistro sa Comelec luwas nga makabotar makapangayo pa og tabang sa goberno sama kaniya nga nangayo og certification sa comelec aron maka avail sa tabang sa Amping Program. I Ver Diazon
