LEGAZPI CITY – Aabot sa 446 na mga mag-asawang 50 taon nang kasal sa Albay ang nabigyan ng PHP10,000 cash incentives mula sa Pamahalaang Panlalawigan.
Ang mga mag-asawang kwalipikado para sa insentibo ay kailangang nagdiriwang ng kanilang ika-50 anibersaryo mula Enero 1 hanggang Nobyembre 15, 2023.
Ang inisyatibang ito ay alinsunod sa Provincial Ordinance 0052-2021 o ‘May Forever sa Albay Ordinance’ na inakda ni VG Glenda Ong Bongao.
