Umarangkada na ngayong Miyerkules ang ikalawang araw ng filing ng Certificates of Candidacy para sa nalalapit na May 2025 National and Local Elections.
Sa COMELEC NCR office sa San Juan, nagfile ng kanilang kandidatura sa pagka kongresista sina Giselle Maceda sa 4th District ng Maynila, Re-electionist na si Manila 2nd District Representative Rolando Valeriano, at si Dating Malabon City Mayor Antolin Oreta III.
Sa Manila Hotel Tent City naman, 2 party list na ang naghain ng kanilang kandidatura, ang Kumadrona Party List at United Seniors Citizens Party List.
Ngayong araw din nagtungo sa tanggapan ng Comelec sa Caloocan si incumbent Mayor Along Malapitan para maghain ng kanyang COC sa pagka-alkalde sa kanyang ikalawang termino.
Bukas naman inaasahan maghahain ng kanyang kandidatura sa pagka-alkalde si Manila Mayor Honey Lacuna Pangan.
Magtatagal ang COC filing hanggang sa Oktubre 8, 2024.
