NAGA CITY- Gugunitain bukas ang ika-36 na anibersaryo ng mapayapang rebolusyon sa Epifanio de los Santos Avenue o EDSA noong Pebrero 25, 1986. May mga paaralan , institusyon at mga organisasyon ang may aktibidad upang ipaaalala ang kahulugan ng nasabing mapayapang pagpapatalsik sa kinikilalang diktador na si dating Pangulong Ferdinand Marcos Sr.
Ayon sa Catholic Educational Association of Caceres and Libmanan (CEACAL) , ang bansang walang tamang pag-alala ay “ulianin”. Ayon kay CEACAL President Fr. Wilmer Tria , kung mawawala ang memorya, mamawala ang pagkakakilanlan ng bansa. Obligasyon aniya ng simbahan at paaralan na kundinahin ang anumang “fake history”.
Responsibilidad aniya ng mga lider ng pamahalaan na maging inspirasyon at manguna sa pag-alala ng People Power at iba pang kaganapan sa kasaysayan dahil ang magandang ala-ala ay binabalikbalikan.
