MIREAK ang pipila ka konsehal sa General Santos City kalabut sa insidente sa ‘gang rape’ sa Barangay Labangal, nakalabay’ng gabii.
Matud ni Konsehal Rosalita Nuñez, angayang masiguro nga mapanubag sa balaud ang mihimo sa pagpanglugos. Kinahanglan usab nga mahimong estrikto ang barangay sa pagpatuman sa health protocols ug ubang COVID-19 restriction, sama sa gipatuman nga curfew hour, pagbawal sa tapok ug liquor ban.
Sa bahin ni Konsehal John Demdam, chairperson sa committee on Youth Affairs sa konseho daghang kabatan-onan ang apektado sa gipatumang lockdown ug mga restrictions nga nakaapekto sa ‘sanity’ sa pipila.
Hinungdan nga kinahanglan og kanunay nga komunisyon tali sa ginikanan ug mga higala sa mga batan-on. Kahibaloan alas-1 sa kadlawon Huwebes nataho sa presinto ang pagpanglugos sa unom ka lalaki sa usa ka dalagita sa Barangay Apopong. Ang tagay ang nahulog sa pagpanglugos matud pa sa dalagita sa duha ka menor de edad ug upat ka hamtong. ( Richel Gubalani)
