Nagbabala ang Roxas Police Station sa mga tricycle operator and driver’s association o TODA sa buong bayan ng Roxas, Palawan.
Ito ay dahil napag-alaman ng pulisya na mayroong mga asosasyon ng tricycle ang kung saan-saan lang di umano pumipila o pumaparada ng mga unit partikular sa Poblacion.
Ayon sa Traffic Section ng Roxas PNP, tinalakay ang usaping ito kasama ang mga TODA member sa Roxas.
Sa oras umano na mahuli ang drayber o operator na gumagawa pa nito ay hindi umano magdadalawang isip ang pulisya na sila’y tiketan o pagmultahin.
Hindi rin abswelto rito ang mga colorum o walang permit na mamasada kaya asahan pa raw ang mas mahigpit na panghuhuli sa kanila sa munisipyo ng Roxas dahil sa reklamo ng mga lehitimong namamasada.
