Tatlo hanggang apat na grupo na ang nag-apply ng permits sa ilang lokal na pamahalaan para makapagsagawa ng kilos-protesta sa araw ng SONA ni Pangulong Bongbong Marcos.
Ayon kay PNP Chief Gen. Rommel Francisco Marbil, kabilang sa LGUs na ito ang Quezon City.
Muling paalala ng PNP sa mga magra-rally – bawal ang pagsusunog ng effigy sa SONA.
Samantala, aabot umano sa 10,000 ang makikiisa sa kilos-protesta sa SONA ng Pangulo.
Sinabi ni Bagong Alyansang Makabayan (Bayan) Chair Teddy Casiño – na taon-taong ginagawa ang protesta, at ipagpapatuloy din nila ito may permit man o wala.
Nakikipag-ugnayan na aniya sila sa lokal na pamahalaan ng QC para sa planong pagmamartsa patungong Commonwealth Avenue, at patungong Batasang Pambansa.
