Gangirit sa kalipay ang linibo ka mga government scholars sang segundo distrito matapos nabaton ang educational assistance gikan sa scholarship program sang gobyerno sang tinalikdan nga Hunyo 3.
Una nga nagbaton sang tig P5,000 nga scholarship grant ang mga scholars sang Cuartero, Dao, Dumalag, Dumarao, kag Tapaz nga ginhiwat sa Dumalag Civic Center, samtang sunod nga nagbaton ang mga scholars sang Sigma, Mambusao, Jamindan, Ivisan, kag Sapian, nga ginhiwat naman sa Sigma Civic Center.
Katuyuan sang programa ang paghatag sang suporta sa mga estudyante nga nagakinahanglan sang bulig para sa ila edukasyon.| Frances Joy Preciosa
