CAMARINES SUR- Patuloy ang ginagawang pagpaparehistro ng mga pedicab driver, habal-habal driver pati tricycle driver sa Pili, Camarines Sur inoobliga na sila ng lokal na pamahalaan.
Base sa inilabas na Executive Order No. 001 ni Acting Mayor Francis Belen, dapat lahat rehistrado sa Barangay.
Mababatid na pedicab driver ang kinasuhan sa pagnanakaw, pagpatay at panggagahasa kay Irish Mae Payonga; ang Senior High School Student ng Naga City na residente ng bayan ng Camaligan na ilang araw nawala at sa kasamaang palad ay patay na nang matagpuan sa Barangay Cadlan, Pili.
Una nang sinabi ng Camarines Sur Police Provincial Office na hindi pa nila isinasara ang imbestigasyon sa nasabing krimen.
