NAGA CITY- Bawal ang sapilitang paghingi ng kontibusyon para sa Christmas Party isa ito sa laman ng Department of Education DepEd Order No. 052, s. 2022 o ang guidelines sa pagkakaroon ng nasabing aktibidad sa paaralan.
Ito ang paalala ngayong nalalapit na ang Christmas Party sa mga paaralan.
Ayon kay DepEd Naga School Division Superintendent Dr. Manny De Guzman, batid na ng mga guro na dapat simple pero makahulugan ang okasyon.
Sa panayam ng Brigada News FM Naga kay Camarines Sur National High School Principal Dr. Sulficio Alferez sinabi nitong wala itong problema sa kanila dahil dati nang ginagawa na boluntaryo ang pagbibigay.
Puwede aniyang mag party pero dapat napag uusapang mabuti ng mga estudyante at mga magulang ang dadalhin sa pagtitipon o kung ano ang kayang maiambang.
