MIUBOS ang ihap sa fire incidents nga nahitabo sa GenSan karong tuiga tandi nakalabay’ng tuig sa susamang panahon.
Sa datus gikan sa Bureau of Fire Protection (BFP) GenSan nakarekord sila og kinatibuk-ang 43 insidente sa sunog karong tuiga.
Ubos tandi sa 54 fire incident nga natala nila nakalabay’ng tuig gikan Enero hangtud Nobyembre. Matud ni Senior Fire Officer 1 (SFO1) Oliver Alfeche, Chief Public Information (CPIO) sa BFP, sa 43 ka insidente 35 niini ang residential.
Nakita usab sa BFP-GenSan base sa imbestigasyon nga nahimong careless ang pipila sa paggamit og electrical connections nga milungtad sa taas nga oras nga miresulta sa pagkasunog.
Miapela usab si Alpeche sa publiko nga siguradohon nga likayan ang overloading sa circuit aron malikayan ang sunog.
Karong tuiga, misaka na sa P11 milyon ang danyos sa nahitabong sunog ug usa ka bata nga residente sa Barangay Lagao ang namatay sa sunog. I Richel Gubalani
