Napueo ka dati nga mga rebelde sa Antique ro nakabaton it livelihood settlement grants halin sa Department of Social Welfare and Development (DSWD).
Base sa pahayag ni DSWD Antique provincial coordinator for the Sustainable Livelihood Program (SLP) Geralyn Flores nga ginpanupod ro nasambitan nga grant sa mga dati nga rebelde para magkaroon sanda it pondo sa pag-umpisa it andang bag-ong pagpangabuhi bilang normal nga mga residente.
Lima sa mga nakabaton hay naghalin sa mga banwa it Sibalom, tatlo halin sa Culasi, ag daywa man halin sa Sebaste.
Nakabaton ro kada sambilog it tig- P20,000./JIL B. LACSON
