Ginpasugtan eun sa Buenavista, Guimaras ro mga contact sports kapareho it basketball, football, ag handball. Raya hay base sa Executive Order No. 073 nga ginpaguwa it lokal nga gobyerno it nasambitan nga lugar.
Pero may mga sueondanan pa gihapon nga ginapatuman agud masiguro ro kaeuwasan it publiko sa COVID-19.
Ro mga contact sports hay pagahiwaton eamang sa gintaeana nga playing court. Kaangut dikara, dapat mag-sumite ro barangay it designated court for identification.
Ro mga manughampang hay dapat fully vaccinated man ag sa 18 dag-on pataas.
Ro mga naga-intra hay dapat indi makitaan it mga sintomas it COVID-19.
Ro mga manughampang eamang sa pareho nga barangay ro pagasugtan mag-intra sa contact sport./JIL B. LACSON
