Pinatatanggal ng Commission on Elections ang mga campaign paraphernalias na ikinabit ng mga kandidato at mga tagasuporta para sa Barangay at sangguniang Kabataan Election.
Ito ay dahil hanggang ngayon ay marami pa rin ang mga posters ang hindi pa inaalis kahit pa tapos na ang halalan.
Ayon kay Zambales Election Supervisor at Asst. Regional Dir. Atty.Elmo Duque, malinaw sa mga kumandidato na limang araw lang pagkatapos ng proklamasyon ay dapat nang matanggal ang mga posters.
Para kay Duque, ang kusang pag-aalis ng campaign materials ay palatandaan ng isang may malasakit at responsableng lider.//Christian Andres-BNFM OLONGAPO
