Matapos pamugaran ng pesteng surot ang mga lumang upuan sa Ninoy Aquino International Airport (NAIA), nasa 38 bagong steel gang chair na ang dumating na sa paliparan.
Ayon sa Manila International Airport Authority (MIAA), tig-15 bagong upuan ang inilagay sa international at domestic lobbies ng NAIA-3 habang walo ang inilagay sa departure waiting area.
Dinisinfect na at inaayos sa ngayon ang mga lumang upuan na inireklamong pinamugaran ng mga surot.
Matatandaang pinamugaran ng peste ang mga upuan sa naturang paliparan na ikinaalarma ng ilang pasahero.
